ტიაგო სილვა პსჟ-ის შესახებ: "მხოლოდ ფულით ვერაფერს მიაღწევ"

ლონდონის "ჩელსის" და ბრაზილიის ნაკრების ცენტრალურმა მცველმა, ტიაგო სილვამ ყოფილი გუნდის, "პარი სენ-ჟერმენის" შესახებ ისაუბრა და თქვა, რომ წარმატების მისაღწევად მხოლოდ ფული საკმარისი არ არის.

ტიაგო სილვამ პარიზულ გრანდში 2012-2020 წლებში, "მილანიდან" გადასვლის შემდეგ ითამაშა და 7-ჯერ ლიგა 1, 5-ჯერ საფრანგეთის თასი, 6-ჯერ საფრანგეთის ლიგის თასი, 7-ჯერ კი სუპერ თასი მოიგო. 2020 წელს მან უეფას ჩემპიონთა ლიგის ფინალში ითამაშა და მიუნხენის "ბაიერნთან" - 0:1 მარცხის შემდეგ, ვერცხლის მედალს დაეუფლა, ხოლო მომდევნო წელს აღნიშნული ტიტული ლონდონის "ჩელსის" შემადგენლობაში მოიგო.