ტიაგო ალმადას ოლიმპიადაზე ვარჯიშის დროს, გასახდელიდან 50 ათასი ევროს სამკაულები მოპარეს

სამშაბათს, ვარჯიშის დროს, არგენტინის ოლიმპიური ნაკრების შემტევს, ტიაგო ალმადას გასახდელიდან 50 ათასი ევროს ღირებულების ნივთები მოპარეს.

ინფორმაცია ოთხშაბათს არგენტინის ნაკრების მთავარმა მწვრთნელმა, ხავიერ მასკერანომ, მაროკოსთან წაგებული მატჩის შემდეგ გაავრცელა, თუმცა ზარალის კონკრეტული რაოდენობა არ დაუსახელებია.

არგენტინული მედიის ცნობით, საუბარია 40-ათასევროიან საათსა და 10-ათასევროიან ბეჭედზე, თუმცა, შემთხვევის ადგილზე გასახდელის გატეხვის კვალი არ ფიქსირდება. ტიაგო ალმადა სასამართლოში ჩივილს აპირებს,

ოლიმპიადის საფეხბურთო ტურნირის პირველი ტურის შეხვედრაში არგენტინა მაროკოსთან დამარცხდა. მასკერანოს გუნდი მომავალ მატჩს შაბათს, 27 ივლისს, ერაყის წინააღმდეგ გამართავს