ტატა მარტინომ მექსიკის ნაკრები დატოვა
ტატა მარტინო მექსიკის ნაკრების მთავარი მწვრთნელი აღარ არის. აღნიშნული ინფორმაცია თავად 60 წლის სპეციალისტმა გაავრცელა.
"ჩემი კონტრაქტი მაშინვე დასრულდა, როგორც კი მსაჯმა საფინალო სასტვენი ჩასტვინა. პირველ რიგში მე ვარ პასუხისმგებელი ამ საშინელ იმედგაცრუებაზე. როგორც პასუხისმგებელი პირი, ეს დიდ მწუხარებას იწვევს ჩემში. კიდევ ერთხელ ვიმეორებ, მე სრულად ვიღებ პასუხისმგებლობას ამ დიდ წარუმატებლობაზე." - განაცხადა მარტინომ.
Gerardo ‘Tata’ Martino leaves Mexico, he’s set to part ways with the national team — contract terminated for the head coach as he announced. 🚨🇲🇽 #Qatar2022
— Fabrizio Romano (@FabrizioRomano) November 30, 2022
“My contract ended as soon as the referee blew the whistle”, Tata Martino tells @FoxSoccer. pic.twitter.com/3vYdh0llwb
C ჯგუფის ბოლო შეხვედრაში მექსიკამ საუდის არაბეთი 2:1 დაამარცხა და 4 ქულა მოაგროვა, თუმცა, ეს საკმარისი არ აღმოჩნდა პლეი-ოფში გასასვლელად. აღსანიშნავია, რომ ბოლო შვიდი მსოფლიო ჩემპიონატის განმავლობაში, მექსიკა ყოველთვის ახერხებდა 1/8-ფინალში გასვლას. ბოლოს, " ელ ტრი" მუნდიალის პლეი-ოფში 44 წლის წინ, 1978 წელს ვერ გავიდა.