სტეფანო პიოლი დღის ბოლომდე ალ ნასრის მთავარი მწვრთნელი გახდება
"ალ ნასრის" ხელმძღვანელობამ მორიგი სადავო გადაწყვეტილება მიიღო - არაბებმა კლუბიდან მთავარი მწვრთნელი - ლუის კასტრო გაუშვეს და მას "მილანის" ყოფილი მწვრთნელი, იტალიელი სპეციალისტი, სტეფანო პიოლი ჩაანაცვლებს.
ცნობილი იტალიელი სპორტული ჟურნალისტისა და ფეხბურთის მიმომხილველის - ფაბრიციო რომანოს ინფორმაციით, სტეფანო პიოლი საუდის არაბეთში მილანიდან დღეს გაფრინდება და დღესვე დაიხურება მისი ტრანსფერი. დღის ბოლოს, 58 წლის იტალიელი თავკაცი "ალ ნასრს" ოფიციალურად ჩაიბარებს.
🟡🔵🇸🇦 Stefano Pioli becomes new Al Nassr head coach, deal done.
— Fabrizio Romano (@FabrizioRomano) September 18, 2024
Pioli will sign the termination of the contract at AC Milan today and then private flight to Riyadh with his agents.
Deal done. He’s the new manager to replace Castro. Here we go. 🤝🏻 pic.twitter.com/omsmmK0obr
"ალ ნასრი" ახალ სეზონს ქულების დაკარგვით იწყებს. კლუბი, რომელშიც მთავარი ვარსკვლავი კრიშტიანუ რონალდუა, საწყისი 3 ტურის შემდეგ 5 მოპოვებული ქულით მე-7 პოზიციას იკავებს.
შეგახსენებთ, რომ პიოლი იმ მილანის 'არქიტექტორია", რომელმაც 2021-2022 წლების სეზონში სკუდეტო მოიგო. გასული სეზონის ბოლოს ის მილანს გამოემშვიდობა და მას შემდეგ უმუშევარია.
სხვა სტატიები
