სტეფანო პიოლი ალ იტიჰადის მთავარი მწვრთნელია

"მილანის" ყოფილი მთავარი მწვრთნელი სტეფანო პიოლი საუდის არაბეთის გზას გაუდგა. იტალიელი სპეციალისტი "ალ იტიჰადს" ჩაიბარებს.

ფაბრიციო რომანოს მიერ გავრცელებული ინფორმაციის თანახმად, პიოლიმ სამწლიან კონტრაქტს მოაწერა ხელი. ამავე წყაროზე დაყრდნობით, არაბული კლუბი ახალი პროექტის შექმნას აპირებს და პიოლი მას არაჩვეულებრივად მოერგება.

სხვადასხვა სპორტული გამოცემების მიერ გავრცელებული ინფორმაციის თანახმად, 58 წლის სპეციალისტი წელიწადში €18 მილიონს მიიღებს.

შეგახსენებთ, რომ პიოლის ხელმძღვანელობით "მილანი" 2021/2022 წლის სეზონში იტალიის ჩემპიონი გახდა.