SPIEGEL: "მოულოდნელი მწვერვალისკენ 30 წლის ასაკში"
5 დღის წინ
ფეხბურთი
1 წთ
"კარლსრუეს" თავდამსხმელი, ბუდუ ზივზივაძე შესანიშნავ ფორმაშია და დღეს, მისი დუბლის წყალობით, კარლსრუემ "შალკე" 2:0 დაამარცხა. ბუდუ მატჩის საუკეთესო მოთამაშე გახდა და გერმანული გამოცემა მის ბრწყინვალე პერფორმანსს გამოეხმაურა.
საქართველო, დანია, უნგრეთი და კარლსრუე - ეს ის სადგურებია, სადაც ბუდუ კარიერის განმავლობაში გაჩერდა და ახლა უკვე ბუნდესლიგის დროა? ქართველი თავდამსხმელი ყველაფერს აკეთებს იმისთვის, რომ 30 წლის ასაკში, საკუთარი კარიერა მოულოდნელ მწვერვალზე აიყვანოს.
სეზონის მე-5 და მე-6 გოლებით ბუდუმ შალკე დაამარცხა და სულ მცირე ერთი ღამით კარლსრუე ცხრილის პირველ პოზიციაზე იქნება, 5 ტურის შემდეგ კი მსგავსი რამ შორეული 2008-2009 წლების სეზონის შემდეგ არ მომხდარა.
ქართველთან ერთად, კარლსრუე ბუნდესლიგაში თამაშზე ოცნებას იწყებს. - ვკითხულობთ SPIEGEL-ის სტატიაში
ბუნდესლიგა 2-ის 5 ტურში, ბუდუ ზივზივაძეს 6 გოლი აქვს გატანილი და ბომბარდირთა დავას ლიდერობს, კარლსრუე კი 13 ქულით პირველ ადგილზეა.
.70.webp)
სხვა სტატიები
.32.webp)
