სლოვანის 4-დან 4 მარცხი - რა შეფასება დაიმსახურა გურამ კაშიამ ზაგრებთან მატჩში?

ჩემპიონთა ლიგის მე-4 ტურის შეხვედრაში ,,სლოვან ბრატისლავამ'' ,,დინამო ზაგრებს'' უმასპინძლა და 1:4 დამარცხდა.

სლოვაკური გუნდის ძირითად შემადგენლობაში ითამაშა გურამ კაშიამ, რომელმაც მოედანზე 79 წუთი გაატარა.

კაშიამ Sofascore-სგან 6.1-ქულიანი შეფასება მიიღო. 37 წლის ფეხბურთელმა, რომელიც ბურთს სულ 73-ჯერ შეეხო, 6-დან 3 დუელი მოიგო და 67-დან 61 (91%) ზუსტი გადაცემა გააკეთა.

5.6 ქულით შეაფასა კაშიას თამაში Whoscored-მა, 6.3-ით კი - Flashscore-მა.

,,სლოვან ბრატისლავა'', რომელიც 4 ტურის შემდეგ უქულოდაა და ბოლო ადგილზეა, ჩემპიონთა ლიგის მომავალ შეხვედრას 26 ნოემბერს, ,,მილანის'' წინააღმდეგ გამართავს.