"სისხლიც კი წამომივიდა, მაგრამ ახლა უკეთ ვარ" - ირაკლი იეგოიანი

ნიდერლანდების ერედივიზიეს მე-7 ტურის შეხვედრაში ექსელსიორმა აიაქსთან ფრედ 2:2 ითამაშა. ირაკლი იეგოიანმა მორიგი საგოლე მოქმედება მიითვალა, მან 62-ე წუთზე აიმენ სლიტს ასისტი გაუკეთა, რასაც საბოლოოდ გოლი მოჰყვა.

ქართველმა ფეხბურთელმა მატჩი სრულად ჩაატარა. ერთ-ერთ ეპიზოდში იეგოიანის წინააღმდეგ აიაქსის ფეხბურთელმა იური ბაასმა საჯარიმოში იუხეშა, კერძოდ ფეხი სახეში მოარტყა და მსაჯმა პენალტი არ დააფიქსირა, სწორედ ამ თემასთან დაკავშირებით ისაუბრა იეგოიანმა შეხვედრის დასრულების შემდეგ:

ექსელსიორი ერედივიზიეს ცხრილში 11 ქულით მე-7 პოზიციაზეა (3 მოგება, 2 ფრე, 2 მარცხი). მომდევნო შეხვედრას ქართველი ფეხბურთელის გუნდი 11 ოქტომბერს გრონინგენის წინააღმდეგ გამართავს.

ირაკლი იეგოიანს მიმდინარე სეზონში ბრწყინვალე სტარტი აქვს, მას უკვე 2 გოლი და 5 საგოლე გადაცემა უფიქსირდება.