შესაძლოა კაილ უოკერმა მსოფლიო ჩემპიონატი გამოტოვოს

კაილ უოკერის მსოფლიო ჩემპიონატზე თამაში კითხვის ნიშნის ქვეშ დგას. ინგლისისა და "მანჩესტერ სიტის" მცველი უკვე რამდენიმე დღეა ტრავმის გამო არ თამაშობს.

32 წლის ფეხბურთელი გუშინ "მანჩესტერ სიტის" ჩემპიონთალიგურ მატჩში ვერ დაეხმარა, თუმცა, გუნდმა მის გარეშეც 5:0 მოიგო.

ჯერჯერობით ცნობილი არაა, თუ რამდენ ხანს იუქმებს ინგლისელი მცველი, მაგრამ ექიმები ვარაუდობენ, რომ ის მსოფლიო ჩემპიონატს გამოტოვებს. ზუსტად არც ისაა ცნობილი თუ კონკრეტულად რა აწუხებს კაილს.

შეგახსენებთ, რომ მსოფლიო ჩემპიონატის დაწყებამდე სულ რაღაც 6 კვირაა დარჩენილი.