შესაძლოა იოახიმ ლოვმა თურქეთის ნაკრები ჩაიბაროს
თურქეთის ფეხბურთის ფედერაციამ გადაწყვიტა შტეფან კუნცთან თანამშრომლობა გაწყვიტოს.
იაპონიასთან 4:2 მარცხის შემდეგ, გერმანელმა სპეციალისტმა საკუთარი ფეხბურთელები გააკრიტიკა. თურქულ მედიაში გავრცელებული ინფორმაციით, მთავარი მწვრთნელის ამ სიტყვებმა ფედერაციასთან დაძაბული ურთიერთობა უფრო გააუარესა. კუნცს თურქეთის ნაკრებთან კონტრაქტი ევრო 2024-ის დასრულებამდე აკავშირებდა, თუმცა, ფედერაციამ გადაწყვიტა გერმანელ სპეციალისტთან კონტრაქტი გაეწყვიტა.
მალევე გავრცელდა ჭორები ახალი მთავარი მწვრთნელის შესახებ. სხვადასხვა სპორტული გამოცემები იტყობინებიან, რომ თურქეთის ფეხბურთის ფედერაციას ნაკრების თავკაცად იოახიმ ლოვის დანიშვნას აპირებს.
Der ehemalige Bundestrainer Joachim #Löw wird als Kandidat für die Nachfolge von Stefan #Kuntz gehandelt, dessen Zeit als türkischer Nationalcoach dem Vernehmen nach zu Ende ist. 😳#Türkei #Transfermarkt pic.twitter.com/1PluqCWFre
— Transfermarkt (@Transfermarkt) September 17, 2023
63 წლის სპეციალისტი ამჟამად გუნდის გარეშე იმყოფება. ლოვი დიდი ხნის განმავლობაში გერმანიის ეროვნულ ნაკრებს წვრთნიდა და 2014 წელს მათთან ერთად მსოფლიო ჩემპიონატის მოგებაც შეძლო.
სხვა სტატიები
