საუკეთესო შეფასება გუნდში | წიტაიშვილმა სადებიუტო გოლი გაიტანა

ლიგა 1-ის მეცამეტე ტურში ბრესტმა მეცსს უმასპინძლა და 3:2 გაიმარჯვა. მეცს ბოლო 3 ტურში გამარჯვებების სერია ჰქონდა, თუმცა იმის ფონზე, როგორც დაიწყო სეზონი (7 წაგება), წაუგებელი სერიის გაგრძელებაც მნიშვნელოვანი იყო. ქართველების გუნდმა შეხვედრა მე-100 წუთზე გაშვებული პენალტით დათმო.

გიორგი წიტაიშვილმა შეხვედრა ძირითად შემადგენლობაში დაიწყო და მეცის მაისურით სადებიუტო გოლიც გაიტანა. მასპინძლების მე-2 წუთზე გატანილ გოლს, სწორედ ქართველმა უპასუხა 4 წუთში და ანგარიში გაათანაბრა. წიტაიშვილმა მოედანი 68-ე წუთზე დატოვა, თუმცა საკუთარ გუნდში ყველაზე მაღალი შეფასება შეინარჩუნა.

SOFASCORE-სა და WHOSCORED-ის მიხედვით, გიორგი წიტაიშვილმა 6.8-დან 7.5-დე შეფასება დაიმსახურა. გიორგი აბუაშვილი ბოლომდე სათადარიგოთა შორის დარჩა.

მაშინ, როცა 90 წუთი ამოიწურა, ანგარიში 2:2 იყო. ბრესტმა ჯერ 95-ე წუთზე მოიპოვა პენალტიის დარტყმის უფლება და დელ კასტილიომ გააფუჭა, თუმცა მე-100 წუთზე მეცის კარში კიდევ ერთი პენალტი დაინიშნა და დელ კასტილიომ ამჯერად გაიტანა.

მეცი ისევ გასავარდნ ზონაში დაბრუნდა და 11 ქულით ბოლოსწინა ადგილზეა.