საქართველოს ეროვნული ნაკრები უდიდესი ალბათობით A ლიგაში აღზევდება - Football Meets Data

ფეხბურთის სტატისტიკის გვერდმა, Football Meets Data-მ რომელიც გუნდების და ეროვნული ნაკრებების შესახებ აქტიურად წერს, გამოაქვეყნა სტატისტიკური მონაცემები, სადაც აღნიშნულია, რომ ერთა ლიგის B დივიზიონში საქართველოს ნაკრები თავისი ჯგუფიდან პირველი ადგილით დასრულების ერთპიროვნული ლიდერია და ჯგუფში მყოფ სხვა ნაკრებებს მნიშვნელოვნად უსწრებს.

ორი ტურის შემდეგ სტატისტიკური მონაცემები ასეთია:

1. საქართველო - პირველი ადგილით ჯგუფის დასრულება - 65%, მეორე - 22%, მესამე - 10%, მეოთხე - 3%.

2. ჩეხეთი - პირველი ადგილით ჯგუფის დასრულება - 17%, მეორე - 37%, მესამე - 28%, მეოთხე - 19%.

3. ალბანეთი - პირველი ადგილით ჯგუფის დასრულება - 11%, მეორე - 27%, მესამე - 34%, მეოთხე - 28%.

4. უკრაინა - პირველი ადგილით ჯგუფის დასრულება - 7%, მეორე - 15%, მესამე - 29%, მეოთხე - 49%.

თუ საქართველოს ეროვნული ნაკრები ჯგუფს პირველი ადგილით დაასრულებს ერთა ლიგის A დივიზიონში აღზევდება.

აღნიშნულ სტატისტიკის გვერდს სხვა ნაკრებების პროცენტული მაჩვენებელიც აქვს გამოქვეყნებული, სადაც ჩვენს გუნდს B ლიგაში მეორე ყველაზე მაღალი მაჩვენებელი უფიქსირდება. 77%-ია იმის ალბათობა, რომ ინგლისის ნაკრებმა თავისი ჯგუფი პირველი ადგილით დაასრულოს, საქართველოზე უკეთესი შედეგი მხოლოდ მათ აქვთ.

დანარჩენი ორი ნაკრების პროცენტული მაჩვენებელი B ლიგაში: პირველი ადგილით დასრულების შანსი, თურქეთი 62%, სლოვენია 36%.

შეგახსენებთ, რომ ერთა ლიგაზე საქართველოს ეროვნულ ნაკრებს კიდევ 4 შეხვედრა აქვს ჩასატარებელი:

11 ოქტომბერი | უკრაინა - საქართველო

14 ოქტომბერი | საქართველო - ალბანეთი

16 ნოემბერი | საქართველო - უკრაინა

19 ნოემბერი | ჩეხეთი - საქართველო