სალაჰი: "ჩემთვის საუკეთესო მწვრთნელი ლუჩიანო სპალეტია"

ლივერპული სეზონის ოფიციალური გახსნისთვის აზიაში ემზადება. არნე სლოტმა 29-კაციანი განაცხადით კიდევ 4 ამხანაგური შეხვედრა უნდა ჩაატაროს, მათ შორის, მომდევნო მილანის წინააღმდეგ. ასეთ დროს ჟურნალისტები აქტიურად იყენებენ ფეხბურთელებთან საკომუნიკაციოდ. ლივერპულის ვარსკვლავმა, მოჰამედ სალაჰმა France Football-თან ინტერვიუ ჩაწერა, სადაც რამდენიმე ძალიან საინტერესო ფაქტი გაგვიმხილა.

სალაჰს უმუშავია ისეთ მწვრთნელებთან, როგორებიც არიან: მოურინიო, მონტელა, გარსია... თუმცა, როდესაც მას საყვარელი მწვრთნელის შესახებ ჰკითხეს, მან იურგენ კლოპი არ ახსენა - ადამიანი, რომელმაც მისი ლივერპულული კარიერა განსაზღვრა - მის ნაცვლად, ეგვიპტემა ფეხბურთელმა, საყვარელ მწვრთნელად ლუჩიანო სპალეტი დაასახელა, რომლის ხელმძღვანელობითაც ის 2016-17 წლებში რომაში თამაშობდა. მაშინ სალაჰმა, სერია A-ში, 15 გოლი გაიტანა და 13 საგოლე გადაცემა გააკეთა.

მოჰამედ სალაჰს ეჭვი არ ეპარება თავის საფეხბურთო მემკვიდრეობაში - ან სულ მცირე, მან იცის, როგორ იხუმროს ამ თემასთან დაკავშირებით.

France Football-თან ინტერვიუში, ეგვიპტელმა ვინგერმა არ დააყოვნა, როდესაც ჰკითხეს, თუ ვინ არის ისტორიაში უდიდესი აფრიკელი ფეხბურთელი: „მე“ - უპასუხა მან ღიმილით, სანამ უფრო დიპლომატიურად დაამატებდა: ბევრი არიან, მაგრამ მე ვიტყოდი, რომ ჟორჟ ვეა, დიდიე დროგბა და სამუელ ეტოო.

ფეხბურთელები, ვისთან ერთად თამაშზეც ოცნებობდა არიან სტივენ ჯერარდი და ტიერი ანრი.