საგოლე პასი და 3 ქულა | გიორგი ჩაკვეტაძის შეფასება ბრისტოლთან მატჩში

ინგლისის ჩემპიონშიფის მე-17 ტურში ,,უოტფორდმა'' ,,ბრისტოლ სიტის'' უმასპინძლა და 1:0 დაამარცხა.

მასპინძელთა ძირითად შემადგენლობაში ითამაშა გიორგი ჩაკვეტაძემ, რომელმაც მოედანზე 90 წუთი გაატარა და საგოლე გადაცემით გამოირჩა.

ქართველმა ფეხბურთელმა Sofascore-სგან 7.3-ქულიანი შეფასება დაიმსახურა.

ჩაკვეტაძემ, რომელიც ბურთს სულ 43-ჯერ შეეხო, კარისკენ 2-ჯერ დაარტყა, 28-დან 22 სწორი გადაცემა გააკეთა (79%) და 8-დან 4 დუელი მოიგო.

7 ქულით შეაფასა 24 წლის შემტევის თამაში Whoscored-მა, 7.1-ით კი - Flashscore-მა.

17 ტურის შემდეგ, ,,უოტფორდს'' 29 ქულა აქვს და სატურნირო ცხრილის მე-5 პოზიციაზეა. ჩაკვეტაძის გუნდი მომავალ შეხვედრას 30 ნოემბერს, ,,ქპრ-ს'' წინააღმდეგ გამართავს.