რუბენ ამორიმი: "ევერტონთან პირველ ტაიმში არ ვარსებობდით"

პრემიერლიგის 26-ე ტურში "ევერტონმა" საკუთარ მოედანზე "მანჩესტერ იუნაირედი" მიიღო და შეხვედრა ფრედ, 2:2 დასრულდა.

ეშმაკები პირველ ტაიმში 2 ბურთით ჩამორჩნენ და თითქოს ყველაფერი ისე მიდიოდა, როგორც ბოლო პერიოდში სრულიად ლოგიკურია, ანუ იუნაიტედი კიდევ ერთ თამაშს წააგებდა უფერული ფეხბურთის ფონზე. საბოლოოდ, გუდისონ პარკზე, მანჩესტერმა შეხვედრა გადაარჩინა - 72-ე წუთზე ჯერ ბრუნო ფერნანდეშმა გაიტანა ლამაზი ჯარიმა, მე-80-ზე კი უგარტემ პირველი გოლი გაიტანა 'წითლების' მაისურით და ანგარიში გაათანაბრა.

მანჩესტერ იუნაიტედი საშინელ მდგომარეობაშია, დღევანდელი 1 ქულა გუნდს 'მოპოვებულად' შეგვიძლია ჩავუთვალოთ - 30 ქულით პრემიერლიგის მეთხუთმეტე პოზიციაზე არიან, მომავალ ტურში კი "იფსვიჩს" სახლში მიიღებენ.