რონალდუ: 'გახურებისას დავზიანდი, თუმცა ფეხმოტეხილიც ვითამაშებდი'

კრიშტიანუ რონალდუ სიხარულის ცრემლებად დაიღვარა, როცა მისმა პორტუგალიამ მეორედ შეძლო უეფას ერთა ლიგის ჩემპიონობა. პორტუგალიელებმა დაძაბულ ფინალში ესპანეთის ნაკრები დაამარცხეს (2:2 - პენალტები 5:3). ამ ტურნირის პირველი გათამაშება სწორედ პორტუგალიამ მოიგო, ახლა კი მოქმედ ჩემპიონებს ჩამოართვეს თასი. კრიშტიანუ რონალდუმ ფინალში გამათანაბრებელი გოლი გაიტანა (გაიტანა გერმანიასთანაც ნახევარფინალში), მატჩის შემდეგ კი გამოტყდა, რომ გახურებისას ტრავმა მიიღო, თუმცა ტკივილით თამაში გადაწყვიტა.

რონალდუმ ნაკრების შემადგენლობაში რეკორდული, 221-ე მატჩი ჩაატარა და ასევე რეკორდული რაოდენობის, 138 გოლი აქვს გატანილი. მან მოედანი 88-ე წუთზე, მაყურებელთა ოვაციებისა და მთავარი მწვრთნელის, რობერტო მარტინესის ჩახუტების ფონზე დატოვა.