რატომ კარგავს პოპულარობას კლასიკური ცხრიანი? ჰარი კეინის პასუხი
1 თვის წინ
ფეხბურთი
1 წთ
ინგლისის ეროვნული ნაკრებისა და ,,ბაიერნის'' თავდამსხმელმა, ჰარი კეინმა, განმარტა, რატომ კარგავენ კლასიკური ცხრიანები პოპულარობას თანამედროვე ფეხბურთში:
,,თამაში ცოტათი იცვლება. დღეს ბევრ ფეხბურთელს აქვს იმის სურვილი, რომ გარემარბი გახდეს. მესი და რონალდუ ფლანგებზე დიდ ხანს დომინირებდნენ და მათი თამაშის ყურება ყველას უნდოდა.
როცა მე ვიზრდებოდი, მსოფლიოს საუკეთესო თავდამსხმელებს ვუყურებდი და ,,ცხრიანობა'' სწორედ მათ მაგალითზე მსურდა. ახლა კი ფეხბურთი იცვლება, მწვრთნელები ცრუ ცხრიანებს იყენებენ ან ისეთ ფეხბურთელებს, რომლებიც ცხრიანისა და ათიანის ფუნქციებს ითვისებენ.
ეს ყველაფერი სამწუხაროა, რადგან გოლების გატანა ფეხბურთში ყველაზე რთული საქმეა. ასე რომ, მინდა, ცხრიანის პოზიციაზე მეტი ფეხბურთელი ვნახო.'' - ჰარი კეინი
მიმდინარე სეზონში ჰარი კეინის ანგარიშზე მიუნხენის ,,ბაიერნის'' მაისურით ჩატარებულ 17 შეხვედრაში 20 გოლი და 9 საგოლე გადაცემაა.
