რა შეფასება დაიმსახურა გურამ კაშიამ ჟირონასთან მატჩში?

ჩემპიონთა ლიგის მე-3 ტურის შეხვედრაში ,,ჟირონამ'' ,,სლოვან ბრატისლავას'' უმასპინძლა და 2:0 დაამარცხა.

სლოვაკური გუნდის ძირითად შემადგენლობაში ითამაშა გურამ კაშიამ, რომელმაც მოედანზე 90 წუთი გაატარა.

კაშიამ Sofascore-სგან 7.2-ქულიანი შეფასება მიიღო, რითაც საკუთარ გუნდში მხოლოდ 2 ფეხბურთელს ჩამორჩა.

37 წლის ფეხბურთელმა, რომელიც ბურთს სულ 53-ჯერ შეეხო, კარში ერთხელ დაარტყა, 3-დან 3 დუელი მოიგო და 37-დან 30 (81%) ზუსტი გადაცემა გააკეთა.

6.9 ქულით შეაფასა კაშიას თამაში Whoscored-მა, 6.8-ით კი - Flashscore-მა.

,,სლოვან ბრატისლავა'', რომელიც 3 ტურის შემდეგ უქულოდაა, ჩემპიონთა ლიგის მომავალ შეხვედრას 5 ნოემბერს, ,,დინამო ზაგრების'' წინააღმდეგ გამართავს.