რა შეფასება დაიმსახურა გიორგი გველესიანმა ალ-სადთან მატჩში?

აზიის ჩემპიონთა ლიგის მე-3 ტურის შეხვედრაში ,,პერსეპოლისი'' სტუმრად ,,ალ-სადთან'' 0:1 დამარცხდა.

ირანული გუნდის ძირითად შემადგენლობაში ითამაშა გიორგი გველესიანმა, რომელმაც მოედანზე 90 წუთი გაატარა და Sofascore-სგან 6.6-ქულიანი შეფასება დაიმსახურა.

ქართველმა მცველმა, რომელიც ბურთს სულ 41-ჯერ შეეხო, კარისკენ ერთხელ დაარტყა, 34-დან 30 ზუსტი გადაცემა (88%) გააკეთა და 5-დან 2 დუელი მოიგო.

6.5 ქულით შეაფასა 33 წლის ფეხბურთელის თამაში Flashscore-მა.

გველესიანის გუნდი, რომელიც 3 ტურის შემდეგ სატურნირო ცხრილის მე-10 პოზიციაზეა (12 გუნდში), ჩემპიონთა ლიგის მომავალ მატჩს 4 ნოემბერს, ,,ალ-ღარაფას'' წინააღმდეგ გამართავს.