რა სარგებელი მოაქვს სუპერ ლიგას? ლივერპულის ხელმძღვანელის წერილი ვირუსულად გავრცელდა

ძვირფასო  კოლეგებო,

უკვე შეიტყობდით, რომ ევროპის წამყვანმა კლუბებმა ახალი ტურნირის ორგანიზება გადაწყვიტეს. ევროპის სუპერ ლიგა - ტურნირი, რომელიც კვირის შუაგულში გაიმართება. მნიშვნელოვნად მივიჩნევ, რომ გარკვეული ინფორმაცია გაგიზიაროთ. ევროპული ფეხბურთის მომავალთან და უეფა-ს მმართველობასთან დაკავშირებით, საფეხბურთო კლუბებს (ჩვენი ჩათვლით) დიდი ხნის განმავლობაში ჰქონდათ ეჭვები და პრეტენციები. გლობალურმა პანდემიამ ევროპული ფეხბურთის ეკონომიკური მოდელის არასტაბილურობას ხელი უფრო მეტად შეუწყო. შედეგად, მილანთან, არსენალთან, ატლეტიკოსთან, ჩელსისთან, ბარსელონასთან, ინტერთან, იუვენტუსთან, მანჩესტერ სიტისთან, მანჩესტერ იუნაიტედთან, მადრიდის რეალთან და ტოტენჰემთან ერთად სუპერ ლიგა დავაფუძნეთ. სავარაუდოდ, უახლოეს მომავალში ჩვენ 3 კლუბი დაგვემატება. სუპერ ლიგა ევროპული ფეხბურთის მომავალია. თუკი გვსურს, რომ ჩვენს კლუბს მდგრადი მომავალი ჰქონდეს, რომელიც პროგრესირებასა და ტიტულების მოგებას განაგრძობს, მაშინ ამ პროცესის წევრები უნდა ვიყოთ. ჩვენ არა სიტუაციის გარეთ, არამედ შუაგულში უნდა ვიმყოფებოდეთ. ახალი ტურნირი ჩვენ საგრძნობ ეკონომიკურ ზრდას მოგვიტანს, რომელსაც ეროვნული ჩემპიონატებიდან მიღებული შემოსავალი დაემატება. უეფა-ს ტურნირებისგან განსხვავებით, სუპერ ლიგაზე მონაწილეობის შედეგად გამოვიმუშავებთ 3-ჯერ მეტ თანხას - სუპერ ლიგის ერთ-ერთი მთავარი ვალდებულება საფეხბურთო პირამიდაში ფინანსების განაწილების მნიშვნელოვნად გაზრდაა. ვიცით, რომ განცხადებას მძაფრი რეაქცია მოჰყვა, თუმცა გვჯერა, რომ ეს გადაწყვეტილება ლივერპულს, გრძელვადიან პერსპექტივაში, მხოლოდ სასიკეთოდ წაადგება. ეს არის ახალი მოგზაურობის დასაწყისი. ჩვენ გვსურს, ეს პროცესი თქვენთან, გულშემატკივრებთან და ყველა ჩართულ მხარესთან ერთად სწორად განვავითაროთ. დროთა განმავლობაში, კიდევ ბევრ ინფორმაციას გაგიზიარებთ. უწყვეტი მხარდაჭერისთვის დიდ მადლობა გიხდით.

---