პსჟ-ს ერთ-ერთი მთავარი სამიზნე ლაიფციგის 19 წლის გარემარბია

ზაფხულის სატრანსფერო ფანჯრის პერიოდში პარი სენ ჟერმენი მარჯვენა ფლანგის გაძლიერებას შეეცდება და მისი მთავარი სატრანსფერო სამიზნე ლაიფციგის გარემარბი, იან დიომანდე იქნება.

კოტ-დ'ივუარელის ტრანსფერზე ლივერპულიც მუშაობს და როგორც გერმანულ მედიაში იწერება, პსჟ-ს უმთავრესი კონკურენტები სწორედ მერსისაიდელები იქნებიან.

Foot Mercato-ს ცნობით, თავად დიომანდეს პსჟ-ში გადასვლა სურს და გუნდებს შორის მოლაპარაკებებიც აქტიურ ფაზაშია.

19 წლის შემტევმა 2025-2026 წლების სეზონში ლაიფციგის მაისურით ჩატარებულ 36 მატჩში 13 გოლი გაიტანა და 9 საგოლე გადაცემა მიითვალა. დიომანდე, რომელსაც Transfermarkt 90 მილიონ ევროდ აფასებს, ბუნდესლიგის წლის საუკეთესო ახალგაზრდა ფეხბურთელად დასახელდა.