პრემიერლიგის მიმდინარე სეზონის 10 საუკეთესო ტრანსფერი Goal.com-ის ვერსიით
Goal.com-მა პრემიერლიგის 2024-2025 წლების სეზონის საუკეთესო ტრანსფერები დაასახელა.
ვებგვერდის ვერსიით, ინგლისის ჩემპიონატში ამ მომენტისთვის ყველაზე წარმატებული შენაძენი ნიკოლა მილენკოვიჩია, რომლის სანაცვლოდაც ,,ნოტინგემ ფორესტმა'' ,,ფიორენტინას'' 12 მილიონი ფუნტი გადაუხადა:
,,თუ გადახდილ თანხას გავითვალისწინებთ, მილენკოვიჩი არა მხოლოდ პრემიერლიგის მიმდინარე სეზონის, არამედ ყველა დროის ერთ-ერთი საუკეთესო შენაძენია. სერბი დაცვის ცენტრში მურილოს მშვენივრად შეეწყო და ლიგის ყველაზე მრისხანე თავდამსხმელების გათიშვა შეძლო.
ნოტინგემს გაშვებული გოლების რაოდენობით გასულ სეზონში ერთ-ერთი ყველაზე ცუდი შედეგი ჰქონდა, გუნდი განსაკუთრებით სუსტად სტანდარტულების დროს გამოიყურებოდა, მაგრამ მილენკოვიჩმა ეს პრობლემები მთლიანად გადაჭრა. ფორესტმა 17 მატჩში 19 გოლი გაუშვა და უკეთესი შედეგი მხოლოდ ლივერპულსა და არსენალს აქვთ.
27 წლის ფეხბურთელი, ასევე, დიდ საფრთხეს წარმოადგენს მეტოქის საჯარიმოშიც და უკვე 2 გოლის გატანაც შეძლო.'' - წერს გამოცემა
მეორე ადგილს იკავებს ,,ნოტინგემის'' კიდევ ერთი ტრანსფერი - ელიოტ ანდერსონი, რომელიც გუნდმა ,,ნიუკასლიდან'' იყიდა. სამეულში, ასევე, სანდერ ბერგე მოხვდა (ბარნლიდან ფულჰემში).
პრემიერლიგის მიმდინარე სეზონის 10 საუკეთესო ტრანსფერი Goal.com-ის ვერსიით:
ნიკოლა მილენკოვიჩი - ფიორენტინადან ნოტინგემში 12 მილიონი ფუნტის სანაცვლოდ
ელიოტ ანდერსონი - ნიუკასლიდან ნოტინგემში 35 მილიონი ფუნტის სანაცვლოდ
სანდერ ბერგე - ბარნლიდან ფულჰემში 25 მილიონი ფუნტის სანაცვლოდ
ნუსაირ მაზრაუი - ბაიერნიდან მანჩესტერ იუნაიტედში 13 მილიონი ფუნტის სანაცვლოდ
ლიამ დელაპი - მანჩესტერ სიტიდან იფსვიჩში 20 მილიონი ფუნტის სანაცვლოდ
ფაკუნდო ბუანანოტე - ბრაიტონიდან ლესტერში იჯარით
ჯეიდონ სანჩო - მანჩესტერ იუნაიტედიდან ჩელსიში იჯარით
მაკსანს ლაკრუა - ვოლფსბურგიდან კრისტალ პალასში 15 მილიონი ფუნტის სანაცვლოდ
ჟორჟინიო რიუტერი - ლიდსიდან ბრაიტონში 40 მილიონი ფუნტის სანაცვლოდ
ილიმან ნდიაიე - მარსელიდან ევერტონში 15 მილიონი ფუნტის სანაცვლოდ
