პოსტეკოღლუ ნოტინგემის მთავარი მწვრთნელის პოსტიდან გაათავისუფლეს

ანგე პოსტეკოღლუ ჩელსისთან განცდილი მარცხის (0:3) შემდეგ, ნოტინგემის მთავარი მწვრთნელის პოსტიდან გაათავისუფლეს - აღნიშნულ ინფორმაციას საფეხბურთო კლუბი ადასტურებს.

მედიაში გავრცელებული ინფორმაციით, პოსტეკოღლუ, რომელიც ნოტინგემის მთავარ მწვრთნელად მხოლოდ 40 დღის წინ დაინიშნა, გუნდიდან არასახარბიელო შედეგებისა და მფლობელთან დაძაბული ურთიერთობის გამო გაათავისუფლეს.

შეგახსენებთ, რომ ავსტრალიელმა სპეციალისტმა ნოტინგემის მთავარი მწვრთნელის პოსტი 9 სექტემბერს ჩაიბარა. ნოტინგემი პრემიერ ლიგის 8 ტურის შემდეგ, 5 ქულით მე-18 პოზიციაზე იმყოფება.