პირს მორგანი მიიჩნევს, რომ 21-ე საუკუნეში მესის 4 ფეხბურთელი ჯობია

თუ ფეხბურთის საშუალო სტატისტიკურ გულშემატკივარს ჰკითხავთ, ვინ არის 21-ე საუკუნის საუკეთესო ფეხბურთელი, შეგიძლიათ დადოთ ფსონი, რომ უმრავლესობა ლიონელ მესის აირჩევს - მაგრამ ეს პირს მორგანი არ იქნება. ინგლისელი ჟურნალისტი მიიჩნევს, რომ არსებობს 4 ფეხბურთელი, ვინც მესიზე უკეთესია.

ESPN-მა 21-ე საუკუნის 25 საუკეთესო ფეხბურთელი დაასახელა და როსარიოში დაბადებული მესი სიის სათავეში მოექცა. არგენტინელს უკან მოჰყვებიან კრიშტიანუ რონალდუ, ტიერი ანრი, ზინედინ ზიდანი და ლუკა მოდრიჩი.

ESPN-ის სიაში მე-5-დან 25-ე ადგილამდე არიან კილიან მბაპე, რონალდო ნაზარიო (მე-9), სერხიო რამოსი (მე-14) და მანჩესტერ იუნაიტედის ლეგენდა, უეინ რუნი (22-ე).

ამ სიის საპასუხოდ, პირს მორგანმა, რომელიც წლების განმავლობაში არ ერიდებოდა რონალდუსადმი თავისი სიმპათიის აღიარებას, შემოგვთავაზა ოთხი ფეხბურთელი, რომლებიც მესიზე უკეთესები არიან. სპორტის ინგლისელი ჟურნალისტის აზრით, 21-ე საუკუნეში, უფრო დიდი მემკვიდრეობა დატოვეს კრიშტიანუ რონალდუმ, რონალდო ნაზარიომ, ტიერი ანრიმა და რონალდინიომ - მათ შემდეგ კი ლეო მესი მოდის.