,,ფიფას გადაწყვეტილება აბსოლუტურად მიუღებელია'' - პოლონეთის ფეხბურთის ფედერაციის პრეზიდენტი

პოლონეთის ფეხბურთის ფედერაციის პრეზიდენტმა, ჩეზარი კულეშამ, განაცხადა, რომ ფიფას გუშინდელი გადაწყვეტილება რუსეთზე რამდენიმე სანქციის დაწესების შესახებ საკმარისი არ არის. პოლონელმა კიდევ ერთხელ დაადასტურა, რომ მისი ნაკრები რუსეთთან თამაშს არცერთ შემთხვევაში არ აპირებს:

,,ფიფას გადაწყვეტილება აბსოლუტურად მიუღებელია. არ ვართ დაინტერესებული ამ მატჩში მონაწილეობით და ჩვენი პოზიცია უცვლელი რჩება: პოლონეთის ნაკრები არ ითამაშებს რუსეთთან, მნიშვნელობა არ აქვს, რა ერქმევა მათ! არავითარი ინდულგენცია რუსეთის აგრესიის მიმართ უკრაინის წინააღმდეგ! ინგლისი, ალბანეთი, ჩეხეთი, დანია, ირლანდია, ნორვეგია, შოტლანდია, შვეიცარია, შვედეთი და უელსი ჩვენ გვერდით არიან! საფეხბურთო ევროპა პოლონეთის გზას მიჰყვება! ერთად უფრო ძლიერები ვართ,'' - წერს კულეშა ტვიტერის პირად გვერდზე.

---

England 🏴󠁧󠁢󠁥󠁮󠁧󠁿, Albania 🇦🇱, Czech Republic 🇨🇿, Denmark 🇩🇰, Ireland 🇮🇪, Norway 🇳🇴, Scotland 🏴󠁧󠁢󠁳󠁣󠁴󠁿, Switzerland 🇨🇭, Sweden 🇸🇪, Wales 🏴󠁧󠁢󠁷󠁬󠁳󠁿… football Europe follows the Polish path. Together we are stronger! #SolidarityWithUkraine 🇺🇦 Dziękujemy! | Thank you! — Cezary Kulesza (@Czarek_Kulesza) February 28, 2022