პარიზმა ანდრია კვირიკაძე გაიფორმა
10 საათის წინ
ფეხბურთი
1 წთ
დინამო თბილისის აკადემიის აღზრდილი, ანდრია კვირიკაძე კარიერას პარიზში (Paris FC) გააგრძელებს. ინფორმაცია ფრანგულმა გუნდმა დაადასტურა:
„პარიზი მოხარულია გამოაცხადოს ქართველი ნახევარმცველის, ანდრია კვირიკაძის ტრანსფერი.
პერსპექტიულმა ნახევარმცველმა გასულ სეზონში ევროასპარეზზეც გამოიჩინა თავი, სადაც უეფას ახალგაზრდულ ლიგაზე ლარნაკას აეკის წინააღმდეგ ითამაშა.
მისი მოსვლა სრულად შეესაბამება პარიზის სურვილს, გააგრძელოს გუნდის განვითარება და აქცენტი გააკეთოს მაღალი პოტენციალის მქონე ახალგაზრდა მოთამაშეებზე, რომლებსაც შეუძლიათ თავიანთი წვლილი შეიტანონ კლუბის სპორტულ პროექტში.'' - წერია პარიზის განცხადებაში
ფრანგული მედიის ცნობით, კვირიკაძემ პარიზთან 4-წლიანი კონტრაქტი გააფორმა.
პარიზმა ლიგა 1-ის გასულ სეზონში მე-11 ადგილი დაიკავა. გარდა ამისა, საფრანგეთის თასის 1/16-ფინალში პსჟ დაამარცხა, მერვედფინალში კი ლორიანთან დამარცხდა.
𝘼𝙣𝙙𝙧𝙞𝙖 𝙆𝙫𝙞𝙧𝙞𝙠𝙖𝙙𝙯𝙚 𝙚𝙨𝙩 𝙋𝙖𝙧𝙞𝙨𝙞𝙚𝙣⭐️
— Paris FC (@ParisFC) July 1, 2026
Le Paris FC a le plaisir d’annoncer l’arrivée du milieu de terrain géorgien de 18 ans. 🆕
Le communiqué : https://t.co/kMmX3kqkon#ParisFC #CertifiéParis pic.twitter.com/UldmV2oNaY
