ოთარ კიტეიშვილის მორიგი აღიარება

გრაცის "შტურმის" ქართველი ლიდერი, ოთარ კიტეიშვილი, ავსტრიის ბუნდესლიგის მიმდინარე სეზონის შემოდგომის ეტაპის სიმბოლურ გუნდში მოხვდა.

ავტორიტეტული გამოცემის, Laola1-ის მომხმარებლებმა, შემოდგომის სეზონის საუკეთესო 11 ფეხბურთელი გამოავლინეს, სადაც ოთარ კიტეიშვილიც მოხვდა. აღსანიშნავია, რომ კიტეიშვილს ხმა 1539-მა გულშემატკივარმა მისცა.

სიმბოლურ თერთმეტეულში ყველაზე მეტი (5) ფეხბურთელი "შტურმს" ჰყავს.