ორი დიდი მოულოდნელობა - რამ გაგვაკვირვა პირველ 8 მატჩში?

სან-ფრანცისკოში, "Levi's სტადიონზე" დამდგარი შედეგის მნიშვნელობა ცხრილს გასცდა. კატარის ნაკრების კაპიტანმა, ბულემ ხუხის მიერ დამატებულ დროში გატანილმა გოლმა, ამ ქვეყანას, მსოფლიო ჩემპიონატებზე, პირველი ქულა მოუტანა. შვეიცარიელები მთელი მატჩის განმავლობაში უდიდეს უპირატესობას ფლობდნენ, თუმცა წინ მხოლოდ 1 ბურთით იყვნენ და ზედმეტი თავდაჯერებულობაც ეტყობოდათ, რაც 2 ქული დაკარგვად დაუჯდათ. კატარმა მუნდიალზე მონაწილეობა მეორედ მიიღო (პირველად 2022-ში, მასპინძლის სტატუსით) - მათ პირველ მსოფლიო ჩემპიონატზე 3-დან 3 შეხვედრა წააგეს.

საწყისი ტურის მეორე მოულოდნელობა თურქეთის დამარცხებაა. ავსტრალიამ, თურქეთის მსოფლიო ჩემპიონატზე 24 წლის შემდეგ დაბრუნება გააფუჭა. ნესტორი ირანკუნდას და კონორ მეტკალფის გოლების წყალობით, რასაც ავსტრალიელთა კლდესავით დაცვაც ემატებოდა, თურქეთი 2:0 დამარცხდა, არადა ამ ნაკრებისგან სრულიად სხვა დასაწყისს მოველოდით.

ავსტრალიელებმა ცოტა რამ შექმნეს, მაგრამ შესანიშნავად გამოიყენეს შანსები, ხოლო თურქული შეტევების ტალღა კარგად ორგანიზებულმა დაცვამ მოიგერია .

კატარის ჯგუფში ორივე შეხვედრა 1:1 დასრულდა (B ჯგუფი: კანადა, შვეიცარია, კატარი, ბოსნია და ჰერცეგოვინა). D ჯგუფში თურქეთი მესამე ადგილზე მხოლოდ იმიტომაა, რომ პარაგვაიმ კიდევ უფრო დიდი ანგარიშით წააგო ამერიკასთან (4:1), შესაბამისად, ადგილები ასე ნაწილდება: ამერიკა, ავსტრალია, თურქეთი, პარაგვაი.