"როსონერის" რიგებს "რეალის" ფეხბურთელი ტეო ერნანდესი შეუერთდა. გავრცელებული ინფორმაციით, "მილანმა" ერნანდესის სანაცვლოდ 20 მილიონი ევრო გადაიხადა.
21 წლის განაპირა მცველმა "მილანთან" 5 წლიან კონტრაქტს მოაწერა ხელი. კონტრაქტის დეტალების შესახებ დამატებითი ინფორმაცია ამ წუთისათვის არ ვრცელდება. შეგახსენეთ, გასული სეზონი ტეო ერნანდესმა იჯარის წესით "რეალ სოსიედადში" გაატარა, სადაც ყველა ტურნირზე 24 შეხვედრაში მიიღო მონაწილეობა.
