საქართველოს ნაკრების შემტევი, გიორგი წიტაიშვილი კარიერას პოლონეთის მოქმედი ჩემპიონის, "ლეხ პოზნანის" შემადგენლობაში გააგრძელებს.
ახალგაზრდა ქართველი ფეხბურთელი 1-წლიანი იჯარის წესით კიევის "დინამოდან" ექსტრაკლასას გამარჯვებულის რიგებში ითამაშებს, სადაც ეროვნული გუნდის კიდევ ერთი ფეხბურთელი, ნიკა კვეკვესკირი ირიცხება.
გიორგი წიტაიშვილი პოზნანური კლუბის შემადგენლობაში 14-ნომრიან მაისურს მოირგებს.
21 წლის ფეხბურთელმა, რომლის აქტივშიც საქართველოს ნაკრებში უკვე 10 მატჩი და 2 საგოლე პასია, უკრაინაში განვითარებული მოვლენების შემდეგ, განათხოვრებით კრაკოვის "ვისლას" შემადგენლობაში ითამაშა, სადაც 7 შეხვედრაში, 1 გოლის გატანა და 2 საგოლე პასის გაკეთება შეძლო.
