ოფიციალურად: საბა საზონოვი ხეტაფეს ფეხბურთელია

ოფიციალურად, ქართველი ფეხბურთელი საბა საზონოვი ხეტაფეს ფეხბურთელია, 24 წლის მცველი ესპანურ კლუბში თავისუფალი აგენტის სტატუსით გადავიდა და 1-წლიანი კონტრაქტი გააფორმა პლიუს 1 წლით გახანგრძლივების ოფციით.

საბა საზონოვი ბოლოს ტორინოში ირიცხებოდა, პირველი ივლისის შემდეგ კი იტალიურ კლუბთან კონტრაქტი ამოეწურა და თავისუფალი აგენტი გახდა. ქართველი მცველი კარიერის განმავლობაში თამაშობდა ისეთ გუნდებში როგორებიცაა: ზენიტის ახალგაზრდული გუნდები, დინამოს ახალგაზრდული და ძირითადი, ტორინო, ემპოლი და ისევ ტორინო.