ოფიციალურად | ლევანტე და სპორტინგი ქოჩორაშვილის ტრანსფერზე შეთანხმდნენ

"ლევანტე" და "სპორტინგი" გიორგი ქოჩორაშვილის ტრანსფერზე შეთანხმდნენ. აღნიშნულის შესახებ ინფორმაცია, ესპანური კლუბის ოფიციალურ ვებგვერდზე გავრცელდა.

"ლევანტეს" განცხადებაში აღნიშნულია, რომ მოლაპარაკებები, რომელიც 1 კვირის განმავლობაში მიმდინარეობდა 31 მარტს წარმატებით დასრულდა. მიღწეული შეთანხმების შედეგად, ქოჩორაშვილი 30 ივნისამდე იჯარის წესით "ლევანტეში" დარჩება - სეზონის დასრულების შემდეგ კი "სპორტინგს" შეუერთდება.

პორტუგალიურმა გრანდმა ქოჩორაშვილის სანაცვლოდ 7.5 მილიონი ევრო გადაიხადა და მას 5-წლიანი კონტრაქტი გაუფორმა.

ქართველი ნახევარმცველი "ლევანტეს" 2019/20 წლების სეზონში შეუერთდა და კლუბის მაისურით 57 მატჩში მიიღო მონაწილეობა. ლა ლიგა 2-ის მიმდინარე სეზონში ქოჩორაშვილი "ლევანტეს" ერთ-ერთი ლიდერია და კლუბს ელიტაში აღზევებაში ეხმარება.