ოფიციალურად: იოჰან კრუიფის შვილიშვილი აშშ-ს ასაკობრივ ნაკრებში გამოიძახეს

ლეგენდარული იოჰან კრუიფის შვილიშვილი 17 წლის შე კრუიფ-ბინი აშშ-ს 18-წლამდელთა ნაკრებში პირველად გამოიძახეს. შე კლუბურ დონეზე ესპანურ ტარაგონაში თამაშობს, რითაც აშშ-ს ასაკობრივი ნაკრების მთავარი მწვრთნელის, ბენ კროსის ყურადღება მიიპყრო.

აქვე გეტყვით, რომ შეს დედა, შანტელ კრუიფი, ლეგენდარული ფეხბურთელის იოჰან კრუიფის ქალიშვილია, თუმცა თავად შე მამის, ტოდის სამშობლოს აშშ-ს წარადგენს.

ნახევარმცველს ასევე აქვს ნიდერლანდებისა და ესპანეთის ნაკრებებში თამაშის უფლება, რადგან ის კატალონიაში გაიზარდა.