ოფიციალურად: ეშლი კოული ჩეზენას მთავარ მწვრთნელად დაინიშნა

ყოფილი ინგლისელი ფეხბურთელი ეშლი კოული ჩეზენას მთავარ მწვრთნელად დაინიშნა, მან კონტრაქტი სეზონის ბოლომდე გააფორმა.

45 წლის სპეციალისტისთვის მთავარი მწვრთნელის პოსტი პროფესიონალურ ფეხბურთში პირველია, აქამდე ის მწვრთნელის ასისტენტად მუშაობდა შემდეგ გუნდებში: ინგლისის ეროვნული ნაკრები, ინგლისის 21-წლამდელები, ბირმინგემი, ჩელსი, ევერტონი. აღსანიშნავია, რომ თავდაპირველად ეშლი კოული ჩელსის ახალგაზრდულ გუნდს წვრთნიდა.

ჩეზენა იტალიის სერია B-ს ცხრილში მე-8 პოზიციაზეა და უმაღლეს ჩემპიონატში აღზევებისთვის იბრძვის.