ოფიციალურად | ბარსელონას 2 მცველი დაემტვრა, ისინი მინიმუმ 1 თვეს იუქმებენ
კატალონიის ბარსელონას ლაზარეთი კიდევ უფრო გაიზარდა, თანაც გუნდს ორივე მცველი დაემტვრა - ჟიულ კუნდე და ალეხანდრო ბალდე.
ორივე მათგანმა ტრავმა სამეფო თასის 1/2-ფინალში, ატლეტიკოს წინააღმდეგ მიიღო, რის გამოც, მათ მოედნის დატოვება მოუწიათ. ზუსტი სიმძიმის დასადგენად, სამედიცინო შემოწმების გავლის შემდეგ, უკვე ნათელია, რომ ისინი მინიმუმ 1 თვის განმავლობაში ვერ ითამაშებენ, შესაბამისად, ბარსელონას კატასტროფული დაცვის ხაზი, კიდევ უფრო მძიმე მდგომარეობაში დგება...
🚨| 𝐉𝐔𝐒𝐓 𝐈𝐍: Kounde OUT for 1 month, Balde for 5-6 weeks. [@sport] #fcblive 🔴 pic.twitter.com/laeVtMyuaV
— BarçaTimes (@BarcaTimes) March 4, 2026
დაზუსტებული ინფორმაციით, ფრანგი მცველი - ჟიულ კუნდე 1 თვე ვერ ითამაშებს, ესპანელი მარცხენა მცველი - ალეხანდრო ბალდე კი 5-6 კვირას იუქმებს, რაც დაახლოებით თვენახევარია...
ბარსელონა სეზონის ბოლოსკენ წარმატებულად მიდის, ისინი ლა ლიგას 4 ქულიანი უპირატესობით ლიდერობენ, ჩემპიონთა ლიგაზე კი 1/8-ფინალში ნიუკასლს შეხვდებიან.
მატჩები, რომლებსაც მცველები ტრავმის გამო ოფიციალურად გამოტოვებენ:
ლა ლიგა - ბილბაო Vs ბარსელონა
ჩემპიონთა ლიგა - ნიუკასლი Vs ბარსელონა
ლა ლიგა - ბარსელონა Vs. სევილია
ჩემპიონთა ლიგა - ბარსელონა Vs. ნიუკასლი
ლა ლიგა - ბარსელონა Vs. რაიო ვალეკანო
კუნდესა და ბალდეს სავარაუდო დაბრუნების თარიღი 5 აპრილია, მატჩი სადაც ბარსელონა მადრიდში ატლეტიკოს ესტუმრება. ასევე დადასტურებულია ის ფაქტიც, რომ ორივე ფეხბურთელი სანაკრებო მატჩებს გამოტოვებს.
სხვა სტატიები
