ნეიმარის ტრავმის სიმძიმე ცნობილია

,,ალ ჰილალის'' ვარსკვლავმა, ნეიმარმა, ორშაბათს, აზიის ჩემპიონთა ლიგის შეხვედრაში ითამაშა, თუმცა მატჩის მიწურულს ტრავმა მიიღო და მოედანი ნაადრევად დატოვა.

არაბული გუნდის ვებგვერდის ცნობით, ბრაზილიელი ფეხბურთელი დაზიანების გამო 4-6 კვირა ვერ ითამაშებს:

გამოკვლევამ აჩვენა, რომ ნეიმარმა ბარძაყი დაიზიანა. ის გაივლის მკურნალობისა და რეაბილიტაციის პროგრამას, რომელიც 4-დან 6 კვირამდე გაგრძელდება. - წერია კლუბის განცხადებაში.

1-წლიანი იძულებითი პაუზის შემდეგ ნეიმარი მოედანს 21 ოქტომბერს დაუბრუნდა. ბრაზილიელის ანგარიშზე ,,ალ ჰილალის'' მაისურით ჩატარებულ 7 შეხვედრაში 1 გოლი და 3 საგოლე გადაცემაა.