ნაპოლიმ ლუკაკუ გუნდიდან მოკვეთა | ბელგიელი სავარაუდოდ მონაკოში გადავა
ნაპოლისგან მოკვეთილი რომელუ ლუკაკუს კარიერის გაგრძელების რამდენიმე ვარიანტი აქვს, რომელთა შორის ყველაზე საინტერესო მონაკოს ინტერესია. გასულ სეზონში ბელგიელ ფორვარდსა და ნეაპოლიტანურ კლუბს შორის ურთიერთობა საბოლოოდ გაფუჭდა - მუდმივმა ტრავმებმა (196 დღე ლაზარეთში და გამოტოვებული 34 მატჩი) და დისციპლინურმა დარღვევებმა მისი წასვლა გარდაუვალი გახადა. ნაპოლიში მასიმილიანო ალეგრის მოსვლის მიუხედავად, აურელიო დე ლაურენტისი ლუკაკუს გაყიდვას გეგმავს.
2026 წლის მსოფლიო ჩემპიონატის შემდეგ ლუკაკუს კლუბში დაბრუნების ვადა გადაუვადეს, რათა ახალი გუნდის მოძებნა მოესწრო. ფეხბურთელით MLS-ის კლუბი ატლანტა იუნაიტედი, საუდის არაბეთის წარმომადგენლები და თურქული ტრაბზონსპორი ინტერესდებიან, თუმცა თავად თავდამსხმელის პრიორიტეტი ევროპაში დარჩენაა. სწორედ ამ დროს გამოჩნდა მონაკოს ვარიანტი, რომელიც ფოლარინ ბალოგუნის შესაძლო წასვლის ფონზე გამოცდილი თავდამსხმელის დამატებას განიხილავს.
L’AS Monaco tente l’énorme coup Romelu Lukaku https://t.co/Zwg5K3XwQW
— Foot Mercato (@footmercato) August 7, 2026
La Gazzetta dello Sport-ის ინფორმაციით, ნაპოლი მზადაა ბელგიელი თავდამსხმელი დაახლოებით 10 მილიონ ევროდ დათმოს, რადგან ტრანსფერების განსახორციელებლად თანხის გამოთავისუფლება სჭირდება.
თავის მხრივ, მონაკოში ლუკაკუს შესაძლო გადასვლა მას ძველ მეგობართან, პოლ პოგბასთან დააბრუნებს. ახლა მთავარი კითხვაა, გადავა თუ არა ფრანგული კლუბი უბრალო ინტერესიდან კონკრეტულ ოფიციალურ შეთავაზებაზე.
სხვა სტატიები
