მოურინიო: ,,რომას ფეხბურთელების მიმართ ნული ინტერესი მაქვს''

1 წთ

მას შემდეგ რაც ჟოზე მოურნიო ,,ფენერბაჰჩეს'' მთავარ მწვრთნელად დაინიშნა, თურქულ გუნდს არაერთი ფეხბურთელი, მათ შორის ,,რომას'' შემტევები - პაულო დიბალა და რომელუ ლუკაკუ დაუკავშირეს.

თუმცა, როგორც თავად პორტუგალიელი სპეციალისტი ამბობს, მას რომაული კლუბის ფეხბურთელების მიმართ არანაირი ინტერესი არ აქვს:

,,ტრანსფერებზე არავისთან არ მისაუბრია. უბრალოდ, მინდოდა, რომ პროექტი და სტაბილურობა დამენახა. კონკრეტული სახელები საერთოდ არ გვიხსენებია.

უფრო გასაგებად რომ ვთქვა, არ ვაპირებ იმ ფეხბურთელების გაფორმებას, რომლებთანაც წარსულში ვმუშაობდი. შემიძლია ვთქვა, რომ რომას ნებისმიერი ფეხბურთელის მიმართ ნული ინტერესი მაქვს.'' - ჟოზე მოურინიო

ჟოზე მოურინიო ,,ფენერბაჰჩეს'' მთავარ მწვრთნელად გუშინ დაინიშნა.

პორტუგალიელმა სპეციალისტმა თურქულ გუნდთან კონტრაქტი 2026 წლის ზაფხულამდე გააფორმა.

🚨🟡🔵 José Mourinho on links with Romelu Lukaku and Paulo Dybala: “Let me be clear: I have ZERO interest in any player from AS Roma”. pic.twitter.com/xQTJ82iNUS
— Fabrizio Romano (@FabrizioRomano) June 3, 2024

ჟოზე მოურინიო

თაზო ერისთავი

სხვა სტატიები

ჟოზე მოურინიოს დასაფასებელი ქმედება ჩემპიონთა ლიგის ფინალის შემდეგ