"მოულოდნელობაა და საინტერესო ფიგურად ყალიბდება" - იტალიაში კვერნაძეზე საუბრობენ
1 კვირის წინ
ფეხბურთი
1 წთ
საქართველოს ნაკრების შემტევის, გიორგი კვერნაძის შესახებ იტალიური მედიასაშუალება tuttofrosinone წერს. სტატიაში ყურადღება 23 წლის ქართველი ფეხბურთელის წინსვლასა და სეზონის შთამბეჭდავ დასაწყისზე საუბრობს.
"გიორგი კვერნაძეზე ფსონის დადება თითქმის არავის, ან მხოლოდ ყველაზე შორსმჭვრეტელ ფენტეზის მოთამაშეებს თუ ექნებოდათ გადაწყვეტილი. მიუხედავად ამისა, ჩემპიონატის სულ რაღაც ორი ტურის შემდეგ, ქართველი ფლანგის ფეხბურთელი სცენას იპყრობს და მასიმილიანო ალვინის გუნდში სულ უფრო მნიშვნელოვან როლს ირგებს. მისი სეზონის დასაწყისი მართლაც შთამბეჭდავი გამოდგა. ჯერ იყო დაპირისპირება იუვენტუსის პირისპირ, რომელიც გამოირჩეოდა სწრაფი გარღვევებით, აჩქარებებით და მეტოქის დაცვის მუდმივი დაძაბვით. შემდეგ კი შესანიშნავი თამაში ფიორენტინასთან (0:3). მატჩი, რომელშიც კვერნაძემ კიდევ ერთხელ დაამტკიცა ის კარგი თვისებები, რაც დებიუტშივე გამოავლინა.
სწორედ მისი ზუსტი მოქმედებით დაიწყო ყვითელ-ლურჯთა უპირატესობა: საგოლე გადაცემა რაიმონდოს და შეხვედრა მაშინვე სასურველ კალაპოტში ჩადგა. სულ რაღაც ორ თამაშში ძველი იერარქია შეიცვალა. დღეს კვერნაძე ალვინის ტაქტიკურ სქემაში თითქმის შეუცვლელ ფიგურად ჩანს, რაც სულ რამდენიმე კვირის წინ სულაც არ იყო მოსალოდნელი. საზაფხულო მოსამზადებელი ეტაპისა და სატრანსფერო ბაზრის შეფასებების დროს, ფლანგზე ასეთი ცენტრალური როლის დაკავება მისთვის ნავარაუდები არ იყო. კლუბი იმ პოზიციაზე ძლიერ ალტერნატივას ეძებდა, სასურველია ისეთ ფეხბურთელს, რომელიც სერია A-ს ძირითად შემადგენლობაში თამაშისთვის უკვე სრულად მზად იქნებოდა.
მაგრამ ფეხბურთი სწორედ იმიტომაა მომხიბვლელი, რომ პროგნოზებისა და დამკვიდრებული იერარქიის თავდაყირა დაყენება შეუძლია. კვერნაძე ზუსტად ამას აკეთებს მოედანზე: აჩქარებებით, გამბედაობითა და სახიფათო სათამაშო ეპიზოდებით. მისმა თამაშმა დაარწმუნა მწვრთნელი, რომ ამ მომენტისთვის ქართველის გარეშე მარცხენა ფლანგი თავისი ძრავის დიდ ნაწილს კარგავს.
ბუნებრივია, ჩემპიონატი ჯერ კიდევ ძალიან გრძელია და ორი თამაში საბოლოო განაჩენი ვერ იქნება. წინ გვხვდება განსხვავებული გამოწვევები, კონკურენცია და გარდაუვალი ჩავარდნებიც. მიუხედავად ამისა, აწმყო ძალიან ნათელ სურათს გვიხატავს: გიორგი კვერნაძემ გუნდი აიყოლია და ერთ-ერთ ყველაზე საინტერესო ფიგურად ყალიბდება. ის, რაც ზაფხულში შესაძლოა უბრალოდ შესავსებ პოზიციად ჩანდა, სეზონის დასაწყისის ერთ-ერთ ყველაზე სასიამოვნო სიურპრიზად იქცა. ორი ტური, ორი დამაჯერებელი თამაში და მკაფიო გზავნილი: ფროზინონე ამჟამად სწორედ კვერნაძის ფლანგის იმედად მოძრაობს", - ამბობს გიორგი კვერნაძე.
გიორგი კვერნაძემ იტალიის თასის საწყის მატჩში იუვე სტაბიასთან დუბლის შესრულება და საგოლე პასის გაკეთება მოახერხა, სერია A-ში კი ფიორენტინასთან საგოლე პასის გაკეთება მოახერხა.
სხვა სტატიები
.32.webp)
