მონაკო გიორგი მიქაუტაძეს სიტყვიერად შეუთანხმდა

საქართველოს ეროვნული ნაკრების თავდამსხმელი, გიორგი მიქაუტაძე ,,მონაკოში'' გადასვლასთან ახლოსაა. ინფორმაციას ფაბრიციო რომანო ავრცელებს.

წყაროს ცნობით, 23 წლის ფეხბურთელსა და ფრანგულ კლუბს შორის სიტყვიერი შეთანხმება უკვე მიღწეულია. ტრანსფერის სავარაუდო ღირებულებად 20-22 მილიონი ევრო სახელდება.

როგორც რომანო წერს, ,,მონაკომ'' ,,მეცს'' უკვე წინადადებითაც მიმართა, გუნდის მიზანია, რომ ტრანსფერი ევრო 2024-ის დასრულებამდე შედგეს.

გასულ სეზონში ქართველმა თავდამსხმელმა ,,მეცის'' მაისურით ჩატარებულ 22 შეხვედრაში 14 გოლი გაიტანა და 4 საგოლე გადაცემა მიითვალა.

მიქაუტაძისთვის მიმდინარე ევროპის ჩემპიონატი განსაკუთრებით წარმატებულია - ჟორჟი 3 გოლით ჯგუფური ეტაპის ბომბარდირი გახდა.