"მოკეტე და ხალხს პატივი ეცი" - რამოსი სევილიას ფანს დაუპირისპირდა

ესპანეთის ლა ლიგის მიმდინარე სეზონში, "სევილია" კატასტროფულად ასპარეზობს. 2024 წლის პირველ მატჩში, ანდალუსიელებმა "ბილბაოს" უმასპინძლეს და 0:2 დამარცხდნენ. აღსანიშნავია, რომ 19 ტურის შემდეგ, "სევილია" 16 ქულით მე-16 პოზიციაზე იმყოფება და გასავარდნ ზონაში მყოფ "კადისს" მხოლოდ 1 ქულით უსწრებს.

მატჩის დასრულების შემდეგ, სერხიო რამოსი ჟურნალისტს ესაუბრებოდა, როდესაც ტრიბუნიდან ერთ-ერთმა ფანმა უკმაყოფილება გამოთქვა. სწორედ ამ დროს დაიწყო რამოსისა და გულშემატკივრის კამათი. ვეტერანმა ესპანელმა მცველმა "სევილიას" ფანს მიმართა, რომ გაჩუმებულიყო და ხალხისთვის პატივი ეცა.