MLS-ის ფეხბურთელი 25 წლის ასაკში გარდაიცვალა
MLS-ის ერთ-ერთი გამორჩეული ინგლისელი მცველი - ენტონ უოლკსი, რომელიც "შარლოტში" ირიცხებოდა, 25 წლის ასაკში გარდაიცვალა.
ინფორმაცია "შარლოტმა" სოციალურ ქსელში გაავრცელა.
We are deeply saddened to share that Anton Walkes has tragically passed away this morning.
— Charlotte FC (@CharlotteFC) January 19, 2023
May he rest in peace. pic.twitter.com/8oUcHvWW6g
ფლორიდის თევზისა და ველური ბუნების დაცვის კომისიამ განაცხადა, რომ უოლკსი ორი მოტორიანი ნავის შეჯახების შედეგად გარდაიცვალა. შემთხვევა "Miami Marine Stadium"-ზე მოხდა, რომელიც საწყლოსნო სპორტებისთვის მოწყობილი არენაა.
ფეხბურთელს პირველადი დახმარება მაიამის სამაშველო სამსახურის თანამშრომლებმა გაუწიეს და საავადმყოფოში გადაიყვანეს, თუმცა მისი გადარჩენა ვერ მოხერხდა.
25 წლის მცველმა კარიერა ლონდონის "ტოტენჰემში" დაიწყო, ლონდოურმა კლუბმა კი იგი 2017 წელს MLS-ის კლუბ "ატლანტა იუნაიტედში" გაანათხოვრა. MLS-ის შემდეგ იგი კვლავ ინგლისში, ამჯერად "პორტსმუთის" შემადგენლობაში დაბრუნდა. 2020 წელს კვლავ "ატლანტაში" გადავიდა, 2022 წლიდან კი "შარლოტში" თამაშობდა, სადაც 23 მატჩის ჩატარება შეძლო.
სხვა სტატიები
