მიქაუტაძე ლაკაზეტს: "შენ თუ მე?"

საფრანგეთის ჩემპიონატის 29-ე ტურში "ლიონმა" სტუმრად "ოსერი" დაამარცხა (1:3). გიორგი მიქაუტაძის გუნდმა მნიშვნელოვანი გამარჯვება მოიპოვა, რამაც ლიონს საშუალება მისცა ოთხეულის წევრი გამხდარიყო და ჩემპიონთა ლიგის ზონისთვის ბრძოლაში დარჩეს. ქართველი ფეხბურთელისთვის ყველაფერი მშვენივრად მიდის, გიორგი არჩვეულებრივ ფორმაშია და ეს ოსერთანაც დაამტკიცა - გოლი და საგოლე გადაცემა, რამაც ის გამარჯვების მთავარ შემოქმედად აქცია.

გიორგიმ პენატლი თავად მოიპოვა და გაიტანა კიდეც. საგოლე გადაცემა კი სწორედ ალექსანდრ ლაკაზეტზე გააკეთა და ფრანგს ცარიელ კარში გაატანინა, ლაკაზეტმა გოლი მიქაუტაძის სტილში აღნიშნა. მხოლოდ ლიგა 1-ში, ქართველ ფორვარდს 9 გოლი აქვს გატანილი და 5 საგოლე გადაცემა შესრულებული.