მილნერი | იმედია სუპერ ლიგის პროექტი არ განხორციელდება

პრემიერ ლიგის 32-ე ტურის შეხვედრაში "ლიდსი" "ლივერპულს" დაუპირისპირდა. "ელანდ როუდზე" გამართული მატჩი ფრედ 1:1 დასრულდა. ყოფილი გუნდის წინააღმდეგ გამართული შეხვედრის დასრულების შემდეგ, ჟურნალისტებთან საუბარში, ჯეიმს მილნერმა ევროპის სუპერ ლიგის შექმნის იდეა გააკრიტიკა და იმედი გამოთქვა, რომ პროექტი არ განხორციელდება. მილნერი, რომლის პროფესიონალური საფეხბურთო კარიერა "იორკშირელების" შემადგენლობაში დაიწყო, პრემიერ ლიგის ერთ-ერთი გამორჩეული ფეხბურთელია და კომენტარის გაკეთების დროს, ჩვეული თავშეკავება გამოავლინა.

"მე მხოლოდ საკუთარი აზრის დაფიქსირება შემიძლია. არ მომწონს და იმედია სუპერ ლიგის პროექტი არ განხორციელდება. ისევე როგორც სხვები, მეც იგივე მიზეზების გამო არ ვუჭერ მხარს", - აღნიშნა ჯეიმს მილნერმა.

🗣 | "I don't like it and I hope it doesn't happen." James Milner speaks out against the proposed breakaway European Super League...😳#MNF pic.twitter.com/NkMmNJhiyA — Sky Sports Premier League (@SkySportsPL) April 19, 2021

ასევე იხილეთ: ყველაფერი, რაც ევროპის სუპერ ლიგის შესახებ უნდა ვიცოდეთ