მიხელსისა და კოვაჩის აიაქსი პირველია - FourFourTwo-მ ყველა დროის საუკეთესო გუნდები დაასახელა
1 წლის წინ
ფეხბურთი
1 წთ
ბრიტანული ჟურნალის, FourFourTwo-ს ვერსიით, ფეხბურთის ისტორიაში საუკეთესო გუნდი 1965-73 წლების ,,აიაქსია''.
,,რინუს მიხელსის ხელმძღვანელობით ,,აიაქსში'' საფირმო სქემა 4-3-3 დამკვიდრდა და ტოტალური ფეხბურთი დაიბადა. 1971 წელს, როცა მან გუნდი დატოვა, მისმა შემცვლელმა, შტეფან კოვაჩმა, ფეხბურთელებს შეტევაში კიდევ უფრო მეტი თავისუფლება მისცა.
გუნდის მთავარი ვარსკვლავი იოჰან კრუიფი იყო, რომელიც თავის ორკესტრს ტიპური პომპეზურობით დირიჟორობდა. ჩემპიონთა თასზე მათი ზედიზედ მე-3 გამარჯვებიდან 40 წელზე მეტი გავიდა - აიაქსის 4-3-3 ფეხბურთის ყველაზე მოქნილ სქემად რჩება. თუმცა, ის, რაც მათ ყველასგან გამოარჩევდათ გრძელი თმები, როკსტარული სითამამე და ლამაზი თამაშია.'' - წერს FourFourTwo
რეიტინგში არაერთი ლეგენდარული გუნდი, მათ შორის 1970 წლის ბრაზილიის ნაკრები მოხვდა, რომელმაც მექსიკაში გამართული მსოფლიო ჩემპიონატი ტრიუმფით დაასრულა. სიაშია პუშკაშისა და დი სტეფანოს მადრიდის ,,რეალი'' და გვარდიოლას ,,ბარსელონა''.
FourFourTwo - 10 საუკეთესო გუნდი ფეხბურთის ისტორიაში:
აიაქსი 1965-1973
ბრაზილია 1970
მილანი 1987-1991
რეალი 1955-1960
ბარსელონა 2008-2011
ლივერპული 1975-1984
ესპანეთი 2007-2012
ინტერი 1962-1967
სანტოსი 1955-1968
უნგრეთი 1950-1956
სხვა სტატიები
