მესიმ ესპანური საფეხბურთო კლუბი იყიდა

რვაგზის ოქროს ბურთის მფლობელმა, ლეო მესიმ, ესპანეთში საფეხბურთო კლუბი შეიძინა და მისი 100%-იანი წილის მფლობელი გახდა.

საქმე ბარსელონას გარეუბანში დაფუძნებულ კლუბ, კორნელას ეხება. ეს კლუბი ზედიზედ ორი სეზონია ვარდება იმ ჩემპიონატიდან, სადაც თამაშობს და ამჟამად, ესპანეთის მეხუთე დივიზიონშია.

მესი ბარსელონას აკადემიაში იზრდებოდა, სანამ კატალონიური გიგანტის პირველ გუნდში 17 სეზონს გაატარებდა და 672 გოლით მათი ყველა დროის საუკეთესო ბომბარდირი გახდებოდა. 38 წლის ფეხბურთელმა ადრე განაცხადა, რომ ფეხბურთიდან წასვლის შემდეგ კატალონიაში დაბრუნდება საცხოვრებლად.

ის მეექვსე მსოფლიო ჩემპიონატზე ითამაშებს - არგენტინა ტიტულის დაცვას აშშ-ში, მექსიკასა და კანადაში ალჟირის წინააღმდეგ,16 ივნისს დაიწყებს.