მესიმ ბარსელონაში გატარებული კარიერის საყვარელი მოგონება გაიხსენა
3 კვირის წინ
ფეხბურთი
1 წთ
არგენტინის ეროვნული ნაკრებისა და ,,ინტერ მაიამის'' კაპიტანს, ლეო მესის, ,,ბარსელონაში'' გატარებული წლებიდან საყვარელი მოგონების გახსენება სთხოვეს:
,,2009 წელი, როცა ჩვენ 6 ტიტული მოვიპოვეთ. მაშინ პროცესით მთელი გუნდი ტკბებოდა - ვარჯიშით, მატჩებით...
ყოველ ჯერზე, როცა მოედანზე გავდიოდით, ვიცოდით, რომ მოვიგებდით.
ყველაზე მნიშვნელოვანი მომენტი? არჩევა რთულია. თუ მხოლოდ ერთი უნდა დავასახელო, ჩემს დებიუტს ვიტყოდი. საქმე ისაა თუ რამხელა მსხვერპლზე წავედი, როცა არგენტინიდან ბარსელონაში გადავედი. მაშინ ჩემი ცხოვრება მთლიანად შეიცვალა. ამიტომ მგონია, რომ ყველაზე მნიშვნელოვანი მომენტი სწორედ ესაა.'' - ლეო მესი
2008-2009 წლების სეზონში მესიმ ,,ბარსელონას'' მაისურით ჩატარებულ 51 შეხვედრაში 38 გოლი გაიტანა და 19 საგოლე გადაცემა მიითვალა.
2009 წელს კატალონიურმა გუნდმა ჩემპიონთა ლიგა, ლა ლიგა, კოპა დელ რეი, ესპანეთის სუპერთასი, ევროპის სუპერთასი და მსოფლიოს საკლუბო ჩემპიონატი მოიგო.
სხვა სტატიები
