მატეო ლაოსი: "ასეთი თერთმეტმეტრიანები ჩემპიონთა ლიგაზე არ იდება და ეს მომწონს..."

ჩემპიონთა ლიგის მერვედფინალური ეტაპის საპასუხო შეხვედრაში ,,ბარსელონამ'' ,,ნაპოლის'' უმასპინძლა და 3:1 დაამარცხა. შედეგად, ხავის გუნდმა ორი მატჩის ჯამში 4:2 იმარჯვა და მეოთხედფინალში გავიდა.

მატჩში ერთი ძალიან საკამათო მომენტი იყო, როდესაც "ბარსელონას" 17 წლის მცველმა - პუ კუბარსმა ვიქტორ ოსიმენის წინააღმდეგ თამაშის წესები დაარღვია და თერთმეტმეტრიანი უნდა დანიშნულიყო, თუმცა მსაჯმა გადაწყვეტილება მიიღო, რომ თამაში მეკარეს საკუთარი კარიდან განეახლებინა და მომენტი VAR-მაც არ გადაამოწმა.

ამ ფაქტის შესახებ, ლეგენდარულმა ესპანელმა მსაჯმა - მატეო ლაოსმა განმარტება გააკეთა და საკამათო მომენტზე საკუთარი აზრი დააფიქსირა.

შეგახსენებთ, რომ "ნაპოლი" ჩემპიონთა ლიგაზე ასპარეზობას გამოეთიშა და ახლა სრულიად კონცენტრირებული სერია A-ზე იქნება. მათი მთავარი მიზანია, რომ ევროტურნირების საგზური მოიპოვონ.