მანჩესტერ სიტი მსოფლიოს საკლუბო ჩემპიონატის გამარჯვებულია

საუდის არაბეთში გამართულ მსოფლიოს საკლუბო ჩემპიონატზე ფინალური მატჩი შედგა. ტურნირის გადამწყვეტ შეხვედრაში ინგლისური „მანჩესტერ სიტი“ ბრაზილიურ „ფლუმინენსეს“ შეხვდა და მეტოქე 4;0 დაამარცხა.

მანჩესტერელები ხულიან ალვარესმა შეხვედრის პირველივე წუთზე დააწინაურა, მე-20 წუთზე ფლუმინენსეს ფეხბურთელმა ბურთი საკუთარ კარში ჩაჭრა, 72-ე წუთზე კი ხულიან ალვარესმა საგოლე პასიც მიითვალა და ფილ ფოდენს მესამე გოლი გაატანინა. არგენტინელი ამაზე არ გაჩერდა, 88-ე წუთზე დუბლი შეასრულა და მატჩის საბოლოო ანგარიში დააფიქსირა.

ჩემპიონთა ლიგის მოქმედმა გამარჯვებულმა ტურნირის ნახევარფინალში იაპონური „ურავა რედსის“ 3:0 მოუგო და ფინალში ასე გავიდა. ფლუმინენსემ კი ფინალში გასასვლელად ეგვიპტური "ალ-აჰლის" ბარიერი დასძლია (2:0). ამ ტურნირზე, ეს ორივე კლუბისთვის პირველი ფინალი იყო.