"მადლობა ღმერთს, რომ პენსიაზე გავედი",- სერ ალექსი ბედნიერია, რომ კლოპის ლივერპულთან დაპირისპირება არ უწევს

" "მანჩესტერ იუნაიტედისა" და "ლივერპულის" დაპირისპირება ყოველთვის სეზონის მთავარ თამაშად მიმაჩნდა. მარტივად, რომ ვთქვათ, თუ ამ გუნდების მიერ მოგებულ ტიტულებს შევკრებთ, ვნახავთ, რომ ისინი დიდი ბრიტანეთის ყველაზე წარმატებული კლუბები არიან". "ნათელია, რომ თუ "იუნაიტედს" რაიმეს მოგება სურს, მაშინ "ლივერპული" აუცილებლად უნდა დაამარცხოს. სიტუაცია ჩემი აბერდინში ყოფნის პერიოდის მსგავსია - იმისათვის, რომ რაიმე მომეგო, აუცილებლად უნდა დამემარცხებინა "სელტიკი" და "რეინჯერსი" ". "70-80-იან წლებში "ლივერპულის" წარმატება ფენომენალური იყო. იმისათვის, რომ მსგავსი წარმატებისთვის მიმეღწია, ძალიან რთული გზის გავლა დამჭირდა. ჩემი გეგმა კლუბის შენებასთან დაკავშირებით ხანგრძლივი იყო, თუმცა ამან საბოლოოდ შედეგი გამოიღო". "ახლა სამწვრთნელო კარიერას ჩამოშორებული ვარ და მადლობა ღმერთს, რომ პენსიაზე ვარ. ბოლო ორი წლის განმავლობაში "ლივერპულის" თამაში ფენომენალური იყო. ამ კლუბს ყოველთვის დიდ პატივს ვცემდი და ახლაც ასეა".